Ei signa hand
Stiklestad-tonane: dikt 1961.

Eg tok di hand i ungdoms vår. Ho var så mjuk og varm at lufta lyste lykkeklår, og hjartet song i barm: Når bylgja kysser mildt si strand, eg kjenner glad di hand. Det blenkjer sol, det syng i li, det syng i blomeli. Ho kjælte meg i elskhugs leik då blodet brann og song. Ho verna meg når trøytt og veik eg mod og styrke trong. Å, signa hand -- ei møy, eit viv, eit fagert eventyr! Stryk panna mi, gjev livd og liv kvar fager dag som gryr! Når bylgja kysser mildt si strand, eg kjenner glad di hand. Det blenkjer sol, det syng i li, det syng i blomeli.

skrevet av Bjarne Slapgard

Bjarne Slapgard (født 11. november 1901 i Verdal - 25. desember 1997 i Levanger) var en norsk forfatter og folkehøgskole-lærer.

tonesatt av Abnescio

Abnescio ble utdanna ved universitetet i Trondheim. Og bor nå ved byen Molde. Og er barnebarn av Bjarne Slapgard.